http://karinform.uz > Ekonomika > Үстиртте күнине 250 мың куб метр тәбийғый газ ҳәм 2 тонна газ конденсаты қазып алынатуғын жаңа қудық ашылды (видео)

Үстиртте күнине 250 мың куб метр тәбийғый газ ҳәм 2 тонна газ конденсаты қазып алынатуғын жаңа қудық ашылды (видео)


17-07-2020, 17:57 Үстиртте күнине 250 мың куб метр тәбийғый газ ҳәм 2 тонна газ конденсаты қазып алынатуғын жаңа қудық ашылды (видео)
«Өзбекнефтьгаз» АЖ Үстирт газ қазып алыў басқармасына қараслы «Арыслан» газконденсат кәниндеги 29-санлы қудықта бураўлаў жумыслары жуўмақланды.

Қудықта алып барылған бураўлаў жумысларынан соң 3377-3458 метр интерваллар аралығына фильтр түсирилип, өзлестириў жумыслары әмелге асырылды.

Дәслепки мағлыўматларға қарағанда, қудықты өзлестириў жумысларынан соң күнлик 250 мың куб метр санаат типиндеги тәбийғый газ ҳәм 2 тонна газ конденсаты қазып шығарылыўына ерисилди.

Бураўлаў жумыслары «2017-2021-жылларда углеводородлар қазып алыўды арттырыў» Бағдарламасы шеңберинде әмелге асырылды.


Ислам Матеков.

Сайтымыздың телеграмдағы каналына ағза болың: https://t.me/karinformuz
Изге