Жерар Депардье Қарақалпақстанның тарийхый орынларына саяхат етпекте

Өзбекстан Республикасы Туризмди раўажландырыў бойынша мәмлекетлик комитетиниң басламасы менен «Жерар Депардье сапары» фильми сүўретке алынбақта. Фильмде Өзбекстанның, соның ишинде Қарақалпақстан Республикасындағы бир неше туристлик орынлары сүўретке алынбақта.



Жерар Депардье Қарақалпақстанға сапары даўамында И.В.Савицкий атындағы мәмлекетлик көркем өнер музейи, Мойнақ районындағы ашық аспан астындағы корабллер қойымшылығы, Арал теңизи тарийхы музейи, Арал теңизи ҳәм Аяз қала қорғанында болған. Оның сапары даўамында фильмниң сүўретке алыў ислери даўам етпекте.

Фотолар: Өзбекстан Республикасы Туризмди раўажландырыў мәмлекелик комитетиниң Қарақалпақстан Республикасы бойынша аймақлық басқармасы

Сахибжамал Есемуратова

Сайтымыздың телеграмдағы каналына ағза болың: https://t.me/karinformuz