Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қоңырат районы ҳәкими Б.С.Сапаровтың район исбилерменлерине мүрәжаты

Қоңырат районы ҳәкими Б.С.Сапаровтың район исбилерменлерине мүрәжаты

Бүгинги күнде мәмлекетимизде Ҳүрметли Президентимиздиң тиккелей басламасы менен барлық тараўларда кең көлемли реформалар әмелге асырылмақта. Усы реформалардың ең баслы бағдарларынан бири бул - исбилерменликти ҳәм киши бизнести раўажландырыўға қаратылған. Сол ушында биз басшылардың оларға жақыннан жәрдем бериў, исбилерменлик басламаларын қоллап-қуўатлаў, исбилерменлик жумысында ушырасып атырған машқала ҳәм тосқынлықларды сапластырыў тийкарғы ўазыйпамыздың бири болып есапланады.
Ҳәзирги күнде районымызда 1700 ден аслам киши бизнес хәм исбилерменлик субъектлери түрли жөнелислерде жумыс алып бармақта хәмде район экономикасына өзлериниң салмақлы үлеслерин қосып келмекте. Усыдан келип шығып, ҳәрекетсиз турған исбилерменлик субъектлериниң ҳәрекетин тиклеў, өзлериниң жаңадан исбилерменлик жумысын баслап атырған пуқараларды, соның менен бирге келешегимиз болған жасларымызды қоллап-қуўатлаў, экономикамыздың раўажланыўында өзлериниң үлкен үлесин қосып киятырған ҳүрметли исбилерменлеримиздиң жумысын еледе раўажландырыў ушын оларға кредит қаржылары, жер орынлары ҳәм бос турған объектлерди ажыратып бериў, сондай-ақ, коммуникация тармақларына жалғаныўын тәмийинлеў тиккелей өзимниң ҳәм сектор басшыларының ең баслы ўазыйпаларымыздан бири етип белгилеп алғанбыз ҳәм буның нәтийжесинде халықтың бәнтлигин тәмийинлеўге ерисиўди алдымызға мақсет етип қойғанбыз. Себеби, исбилерменлерге зәрүр болған шараятларды жаратып бермей турып ҳәм олардың жумысларында ушырасып атырған тосықларды сапластырмай турып елимиздиң раўажланыўы ҳәм халқымыздың пәраўан турмыста жасаўын тәмийинлей алмаймыз. Ҳүрметли журтбасшымыз тәрепинен жаратып берилип атырған кең имканиятлардан туўры пайдаланған ҳалда, сизлердиң исбилерменлик жумысларыңызда өз шешимин күтип турған машқалаларды унамлы шешиў, зәрүр жағдайларда оларды жоқарыда турыўшы уйымларға алып шығыў сыяқлы жумысларды әмелге асырыўға биз ҳәр дайым таярмыз.
Ҳүрметли исбилерменлер! Елимиз раўажланыўы жолындағы Сизиң басламаларыңызды қоллап-қуўатлаў ҳәм жойбарларыңызды өз ўақтында иске түсириў, өз жумысларыңызды еледе кеңейтиў сыяқлы мүрәжатларыңызды мен район ҳәкими сыпатында барлық ўақытта қоллап-қуўатлайман ҳәмде ҳәр күни Сиз исбилерменлерди туўрыдан-туўры ислесиўге шақырып қаламан.

Мүрәжат ушын телефонлар:
(61) 312-34-34, 312-16-41, 312-05-44, 312-14-08
@hakimsaparov

Сайтымыздың телеграмдағы каналына ағза болың: https://t.me/karinformuz

21-11-2019, 11:51
Көрилди: 143
Пикирлер: 0
Баспа ушын