Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Нөкистеги орта арнаўлы ислам оқыў орнының төрт талабасының шәртнама пуллары «Вақф» қоры тәрепинен төлеп берилди

Нөкистеги орта арнаўлы ислам оқыў орнының төрт талабасының шәртнама пуллары «Вақф» қоры тәрепинен төлеп берилди
Алдын хабар бергенимиздей, бүгин Өзбекстан мусылманлары басқармасының баслығы, муфтий Усманхан Алимов, Дин ислери бойынша комитеттиң баслығы Абдуғофур Аҳмедов ҳәм «Вақф» қайырқомлық жәмийетлик қорының директоры Искандар Халилов Қарақалпақстанға сапар етип келди.
Сапар шеңберинде муфтий Усманхан Алимов Нөкис қаласындағы Муҳаммед ибн Аҳмед әл-Беруний атындағы орта арнаўлы ислам оқыў орнында болып, оқыў орнының быйылғы жылы қурып питкерилген ҳәм пайдаланыўға тапсырылып атырған екинши имараты менен танысты. Бул ҳаққында оқыў орны басшылығының руўхыйлық ҳәм ағартыўшылық ислери бойынша орынбасары Әдил Ережепов хабар берди.
Нөкистеги орта арнаўлы ислам оқыў орнының төрт талабасының шәртнама пуллары «Вақф» қоры тәрепинен төлеп берилди
Жаңа имарат ҳәр бир бөлмеси еки адамлық жатақхана, кир жуўыў, компьютер бөлмелери, асхана, радиоузель, медпункт ҳәм 270 адамға арналған намаз оқыў бөлмелеринен ибарат.
Муфтий ҳәзиретлери оқыў орны оқыўшылары ҳәм талабалары менен ушырасыў өткерип, олар менен сөйлести.
Сапар шеңберинде «Вақф» қайырқомлық жәмийетлик қоры тәрепинен оқыў орнының төрт талабасына шәртнама пуллары төлеп берилди.
Нөкистеги орта арнаўлы ислам оқыў орнының төрт талабасының шәртнама пуллары «Вақф» қоры тәрепинен төлеп берилди

Ислам Матеков.

Сайтымыздың телеграмдағы каналына ағза болың: https://t.me/karinformuz

3-12-2019, 18:41
Көрилди: 127
Пикирлер: 0
Баспа ушын