Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Кадастр паспорты өзгереди

Кадастр паспорты өзгереди
«Көшпес мүлк объекти кадастр паспортының жаңа үлгисин басқышпа-басқыш енгизиў илажлары ҳаққында»ғы ҳүкиметлик қарар қабыл етилди. Бул ҳаққында «Ҳуқуқий ахборот» каналы хабар берди.
Қарар тийкарында, пластик тәризинде таярланатуғын көшпес мүлк объекти кадастр паспортының жаңа үлгиси:
Әндижан, Наманган, Ферғана ўәлаятлары, сондай-ақ, Ташкент қаласында – 2020-жыл 1-марттан баслап;
Қарақалпақстан Республиксы ҳәм басқа ўәлаятларда болса – 2020-2022-жылларда басқышпа-басқыш енгизиледи.
2020-жыл 1-марттан баслап Әндижан, Наманган, Ферғана ўәлаятлары, сондай-ақ, Ташкент қаласында жайласқан көшпес мүлк объектине ийе болған мүлк ҳуқықы ямаса басқа айғақлы ҳуқықлар жүзеге келген, басқа адамға өткен, бийкар етилген ямаса көшпес мүлк объектиниң ҳуқықый жағдайы өзгергенлигин тастыйықлаў бойынша мүрәжат етилгенде, арза бериўшиге Мәмлекетлик хызметлер орайлары арқалы жаңа үлгидеги кадастр паспорты бериледи.

Ислам Матеков.

Сайтымыздың телеграмдағы каналына ағза болың: https://t.me/karinformuz

14-12-2019, 14:38
Көрилди: 552
Пикирлер: 0
Баспа ушын