Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Институтта «аралық қадағалаў» ушын 50 мың сум талап еткени ҳаққындағы пост бойынша

Институтта «аралық қадағалаў» ушын 50 мың сум талап еткени ҳаққындағы пост бойынша
Бүгин, 14-декабрь күни «Facebook» социаллық тармағында институттың 1-курс студентлеринен «аралық қадағалаў» ушын 50 мың сумнан ақша жыйнап атырғаны ҳаққында пост жәрияланды.
Институт баспасөз хызмети пост авторы менен байланысып, тийисли фактлерди топлады ҳәм институт ректоратына жағдайды мәлим етип, фактлерди усынды.
Ҳәзирги ўақытта посттағы жәрияланған жағдайды анықластырыў ҳәм усы мәселени терең үйрениў жумыслары институт ректорының жеке өзиниң басшылығында әмелге асырылмақта.
Жағдай бойынша әмелге асырылған жумыслар ҳәм олардың нәтийжеси ҳаққында толық мағлыўмат беремиз.

Усы орында институттың 1-2-курс студентлерине төмендегилерди ескертип өтиў орынлы болып табылады:

Өзбекстан Республикасы Жоқары ҳәм орта арнаўлы билимлендириў министрлигиниң 2018-жыл 9-августтағы «Жоқары билимлендириў мәкемелеринде студентлердиң билимин қадағалаў ҳәм баҳалаў системасы ҳаққындағы уставты тастыйықлаў ҳаққында»ғы буйрығына тийкарланып, аралық қадағалаўды өткериў ҳәм студенттиң билимин баҳалаў тийисли пән оқытыўшысы тәрепинен әмелге асырылса, жуўмақлаўшы қадағалаўды өткериў ҳәм студенттиң билимин баҳалаў оқыў шынығыўларын алып бармаған (яғный, басқа бир) профессор-оқытыўшы тәрепинен әмелге асырылады.
Тийисли пән бойынша оқыў шынығыўларын алып барған ҳәм аралық қадағалаўды әмелге асырған профессор-оқытыўшының жуўмақлаўшы қадағалаўға қатнасыўына ҳәм баҳалаўына рухсат етилмейди.

Бул тәртип жоқары оқыў орынларының ҳәзирги ўақытта 1-2-курсларында оқып атырған студентлери ушын әмел етеди.

Ислам Матеков,
НМПИ баспасөз хаткери.


Сайтымыздың телеграмдағы каналына ағза болың: https://t.me/karinformuz

14-12-2019, 20:40
Көрилди: 842
Пикирлер: 0
Баспа ушын