Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Әмиўдәрья районындағы жүз берген ўақыя бойынша рәсмий мағлыўмат берилди

Әмиўдәрья районындағы жүз берген ўақыя бойынша рәсмий мағлыўмат берилди
8-январь күни саат 12:00 лерде Әмиўдәрья районы, Қыпшақ аўылында жасайтуғын 1993-жылы туўылған С.Д.ның үйинен өзи, өмирлик жолдасы ҳәм ержетпеген қызының жансыз денеси табылған. Бул ҳаққында Бас прокуратура Баспасөз хызметине тийкарланып «Қалампир» хабар берди.
Үйдиң жатақханасынан С.Д.ның ҳаялы 1995-жылы туўылған Ф.Ш.ның бетиниң жағы ҳәм мойын тәрепинде дене жарақатлары болған ҳалдағы, ержетпеген 2 жаслы қызы А.С.ның буўыў жағдайға тән белгилери менен жансыз денелери табылған. Қоймаханадан үй ийеси С.Д.ның өз жанына қастыянлық етип, өзин-өзи асып қайтыс болған ҳалдағы денеси табылған.
Бул жағдай бойынша усы күнниң өзинде районлық прокуратура тәрепинен Жынаят кодексиниң 97-статьясының 2-бөлими «а» бәнти тийкарында жынаят иси ашылған. Тергеў ҳәрекетлери алып барылмақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

9-01-2020, 13:53
Көрилди: 759
Пикирлер: 0
Баспа ушын