Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда қайсы түрдеги жынаятлар көбейген?

Қарақалпақстанда қайсы түрдеги жынаятлар көбейген?
2018-жылға салыстырғанда өткен 2019-жылда Қарақалпақстан Республикасы бойынша көбейген жынаят түрлери төмендегише:
- жынысый еркинликке қарсы жынаятлар (намысқа тийиў) – 27 адам тәрепинен әмелге асырылған (2018-жылда 19 адам);
- басқыншылық жынаяты – 9 адам тәрепинен әмелге асырылған (2018-жылда 7 адам);
- нәшебентлик пенен байланыслы жынаятлар – 56 адам тәрепинен әмелге асырылған (2018-жылда 33 адам).
Бул жынаятлар тийкарынан Нөкис қаласы, Әмиўдәрья, Төрткүл, Елликқала районларында жүз берген.

Соның менен бирге, төмендеги жынаят түрлери 2018-жылға салыстырғанда азайған:
- қастан адам өлтириў – 8 адам тәрепинен әмелге асырылған (2018-жылда 13 адам);
- қастан денеге аўыр ҳәм орташа аўыр жарақат жеткериў – 43 адам тәрепинен әмелге асырылған (2018-жылда 69 адам);
- тонаўшылық – 3 адам тәрепинен әмелге асырылған (2018-жылда 7 адам);
- өзгениң мүлкин өзлестириў ямаса растрата жолы менен талан-тараж етиў – 52 адам тәрепинен әмелге асырылған (2018-жылда 80 адам);
- урлық – 136 адам тәрепинен әмелге асырылған (2018-жылда 253 адам);
- парахорлық пенен байланыслы жынаятлар – 42 адам тәрепинен әмелге асырылған (2018-жылда 46 адам);
- жол ҳәрекети қәўипсизлиги қағыйдаларын бузыў – 119 адам тәрепинен әмелге асырылған (2018-жылда 162 адам);
- бийзарылық – 33 адам тәрепинен әмелге асырылған (2018-жылда 64 адам).
Бул ҳаққында бүгин, 18-январь күни болып өткен баспасөз конференциясында ҚР жынаят ислери бойынша судының баслығы Г.Базарбаева мағлыўмат берди.

Ислам Матеков.

Сайтымыздың телеграмдағы каналына ағза болың: https://t.me/karinformuz

18-01-2020, 16:36
Көрилди: 320
Пикирлер: 0
Баспа ушын