Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Хош хабар! Қарақалпақстанлы бадминтоншылар «Универсиада-2020» спорт жарысында 2-орынды ийеледи

Усы жылдың 28-30-январь күнлери Сырдәрья ўәлаяты Гүлистан қаласындағы «Алпомиш» спорт комплексинде бадминтон бойынша «Универсиада-2020» спорт жарысының финаллық басқышы болып өтти.
Жоқары ҳәм орта арнаўлы билимлендириў министрлигиниң хабар бериўинше, жарысқа улыўма 154 спортшы студент қатнасқан.
Турнирдиң жуўмақлаўшы нәтийжелерине муўапық Қарақалпақстан Республикасының сайланды командасы ағзалары командалық есапта 2-орынды ийеледи.
Атап айтқанда, ҳаял-қызлар арасында жекелик жарыста Бердақ атындағы Қарақалпақ мәмлекетлик университети студенти Н.Айтмуратова 3-орынды, ҳаял-қызлар арасындағы жуплық жарысларында Әжинияз атындағы Нөкис мәмлекетлик педагогикалық институтының студентлери М.Турғанбаева ҳәм А.Алиевалар 2-орынды ийеледи.
Студент-жаслардың бул табыслары Қарақалпақстан Республикасының командалық есапта 2-орынды ийелеўи ушын тийкар жаратты.
Бүгин, 31-январь күни Нөкис темир жол вокзалында қарақалпақстанлы бадминтоншы жасларды күтип алыў салтанаты болып өтти. Оған жоқары оқыў орынлары, кең жәмийетшилик ҳәм ғалаба хабар қураллары ўәкиллери қатнасты.
Мағлыўмат ушын, «Универсиада-2020» спорт жарысларының стол тенниси бойынша гезектеги жарысы 3-6-февраль күнлери Ташкент қаласында өткериледи. Ал Қарақалпақстан Республикасында 1-4-март күнлери ҳаял-қызлар арасында волейбол бойынша жарыслар болып өтиўи жобаластырылған.
Хош хабар! Қарақалпақстанлы бадминтоншылар «Универсиада-2020» спорт жарысында 2-орынды ийеледи
Хош хабар! Қарақалпақстанлы бадминтоншылар «Универсиада-2020» спорт жарысында 2-орынды ийеледи
Хош хабар! Қарақалпақстанлы бадминтоншылар «Универсиада-2020» спорт жарысында 2-орынды ийеледи

Ислам Матеков.

Сайтымыздың телеграмдағы каналына ағза болың: https://t.me/karinformuz

31-01-2020, 12:40
Көрилди: 404
Пикирлер: 0
Баспа ушын