Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Дослық жыры – мәңгилик жыр: Кеңесбай Реймовтың қосықлары Қазақстандағы республикалық газетада жәрияланды

Дослық жыры – мәңгилик жыр: Кеңесбай Реймовтың қосықлары Қазақстандағы республикалық газетада жәрияланды
«Еркин Қарақалпақстан» ҳәм «Вести Каракалпакстана» газеталарының бас редакторы, Өзбекстан Журналистлери дөретиўшилик аўқамы Қарақалпақстан бөлими баслығы, Өзбекстан Республикасына хызмет көрсеткен журналист, белгили шайыр ҳәм аўдармашы Кеңесбай Реймовтың бир дүркин қосықлары Қазақстан Республикасындағы «Жети журт» республикалық газетасында жәрияланды.
«Бесқала жырлары» атамасындағы арнаўлы бетте Кеңесбай Реймовтың қосықлары қазақ тилиндеги аўдармасы менен «Қусалық», «Оқылмай қалған жыр», «Ақын қәбири қайда», «Отыз жетинши жыл сарыны», «Алехинниң монологы», «Гамлеттик саўал немес Высоцкийдиң соңғы түси», «Тилек», «Жанартаўлар», «Палестина» атамалары менен жәрияланған.
Дослық жыры – мәңгилик жыр: Кеңесбай Реймовтың қосықлары Қазақстандағы республикалық газетада жәрияланды
Қосықларды қазақ тилине Қалбай Әдил аўдармалаған.
«Түби бир, тили жақын қарақалпақ шайырының дөретпелери менен Бесқала қазақларын таныстырыўды мақул көрдик», - деп жазылған газетада.
Халықларымыз арасындағы дослық қатнасықларының еле де раўажланыўында әдебий байланыслардың орны айрықша.

Ислам Матеков.

Сайтымыздың телеграмдағы каналына ағза болың: https://t.me/karinformuz

3-02-2020, 12:34
Көрилди: 151
Пикирлер: 0
Баспа ушын