Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда коронавирус инфекциясына шалынған еки наўқас анықланды. Олардың аўҳалы қандай?

Қарақалпақстанда коронавирус инфекциясына шалынған еки наўқас анықланды. Олардың аўҳалы қандай?
Усы жылдың 6-апрель күни саат 09:00 жағдайы бойынша Қарақалпақстан Республикасында коронавирусқа шалынған еки наўқас анықланды, деп хабар берди ҚР Денсаўлықты сақлаў министрлигиниң мәлимлеме хызмети.
Хабарда жазылыўынша, Нөкис қаласында жасайтуғын бир ер адам ҳәм оның анасы «COVID-19» инфекциясына гүман етилип, Республикалық жуқпалы кеселликлер емлеўханасына жатқарылған.
Мәлим болыўынша, сол ер адам жумыс бабында 14-март күни Ташкент қаласында болған. Олардан тийисли анализлер алынып, Республикалық санитариялық-эпидемиологиялық тынышлық орайының вирусологиялық лабораториясына ҳәм Ташкенттеги Вирусология илимий тексериў институтына жиберилген. 2020-жыл 5-апрель сәнесинде түнде анализ нәтийжелери усы еки пуқарада коронавирус инфекциясы бар екенлигин тастыйықлаған.
Усы еки пуқара вирусқа гүман етилиўи менен дәрриў олар менен байланыста болған адамлар эпидемиологиялық тексериўге алынып, олар да карантинге алынған.
Ҳәзирги ўақытта усы еки пуқара Республикалық жуқпалы кеселликлер емлеўханасында емленбекте. Олардың аўҳалы орташа дәрежеде екенлиги мәлим етилген.

Ислам Матеков.

Сайтымыздың телеграмдағы каналына ағза болың: https://t.me/karinformuz

6-04-2020, 14:43
Көрилди: 1014
Пикирлер: 0
Баспа ушын