Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда жеке автомобильлерде ҳәрекетлениў бойынша шеклеўлер сақланып қалына ма?

Қарақалпақстанда жеке автомобильлерде ҳәрекетлениў бойынша шеклеўлер сақланып қалына ма?
Республикалық арнаўлы комиссияның 14-майдағы қарарына муўапық, жеке автомобильлерде ҳәрекетлениў бойынша шеклеўлерди 2020-жылдың 18-май күнинен баслап басқышпа-басқыш бийкар етиў бойынша төмендеги тәртип енгизилмекте:

- «жасыл» категориядағы аймақларда – Республикалық арнаўлы комиссия жыйналысының 2020-жыл 6-майдағы 21-санлы протоколы тийкарында автотранспорт қуралларының арнаўлы рухсатнамасыз (стикерсиз) ҳәрекетлениўине рухсат берилген;

- «сары» категориядағы аймақларда саат 06:00 ден 22:00 ге шекемги болған ўақыт аралығында автотранспорт қуралларының арнаўлы рухсатнамасыз (стикерсиз) ҳәрекетлениўине рухсат бериледи. Бунда автотранспорт қуралларының салонында 4 адамнан артық жолаўшы болмаўы керек;

- «қызыл» категориядағы аймақларда автотранспорт қуралларының арнаўлы рухсатнамасыз (стикерсиз) ҳәрекетлениўине тек ғана күнниң белгили бир ўақтында – саат 07:00 ден 10:00 ге шекем, 17:00 ден 20:00 ге шекем – пуқаралардың жумыс орнына барып-келиўи, медициналық қураллар, дәри-дәрмақлар, азық-аўқат ҳәм биринши гезекте зәрүр болған өнимлерди сатып алыў ушын ҳәрекетлениўге рухсат бериледи.

Еслетип өтемиз, Қарақалпақстан Республикасы «қызыл» категориядағы аймақлар қатарына киргизилген.

Ислам Матеков.

Сайтымыздың телеграмдағы каналына ағза болың: https://t.me/karinformuz

15-05-2020, 11:54
Көрилди: 506
Пикирлер: 0
Баспа ушын