Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда коронавирустан емленип атырған 10 адам халықаралық жүк тасыўшы автомобиль басқарыўшылары екени мәлим болды

Қарақалпақстанда коронавирустан емленип атырған 10 адам халықаралық жүк тасыўшы автомобиль басқарыўшылары екени мәлим болды
Алдын хабар бергенимиздей, ҳәзирги ўақытта Қарақалпақстанда коронавирус инфекциясынан емленип атырған 10 пуқара болып, олардың барлығы басқа ўәлаятлардың турғынлары болып есапланады.

ҚР Денсаўлықты сақлаў министрлигиниң мәлим етиўинше, усы пуқаралар сырт еллерден келген болып, олар халықаралық жүк тасыўшы автомобильлердиң басқарыўшылары болып табылады.

Олар Нөкис қаласындағы Республикалық жуқпалы кеселликлер емлеўханасында емленбекте.

Мағлыўмат ушын, усы күнге шекем Қарақалпақстанда 120 адамда коронавирус инфекциясы анықланған болып, олардан 110 адам саўалып шыққан.

Министрликтиң берген мағлыўматында жазылыўынша, ҳәзирги ўақытта Қарақалпақстанда улыўма 124 пуқара карантинге алынған болып, соннан 19 адам Республикалық жуқпалы кеселликлер емлеўханасында, 2 адам Қоңыраттағы карантин орнында, қалған 103 адам болса үй шараятында карантинге алынған.

Карантинге алынған адамларда коронавирус инфекциясы анықланбаған, бирақ олар вирус жуқтырған адамлар менен байланыста болғанлығы себепли тийисли ўақытқа шекем карантинге алынған.

Қарақалпақстанда усы күнге шекем бақлаў жуўмақланған 14 513 адам карантиннен шығарылған.

Эпидемиологиялық тексериў жумыслары даўам етпекте.

Ислам Матеков.

Сайтымыздың телеграмдағы каналына ағза болың: https://t.me/karinformuz

15-05-2020, 12:14
Көрилди: 366
Пикирлер: 0
Баспа ушын