Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда коронавирус пенен наўқасланыў бойынша және 4 жағдай анықланды. Олар арасында Украина пуқаралары да бар

Қарақалпақстанда коронавирус пенен наўқасланыў бойынша және 4 жағдай анықланды. Олар арасында Украина пуқаралары да бар
Усы жылдың 25-май күни саат 10:00 деги мағлыўматларға қарағанда, Қарақалпақстанда коронавирус инфекциясына шалыныў менен байланыслы жаңадан 4 жағдай анықланған. Бул ҳаққында ҚР ДСМ хабар берди.

Олардан 3 адам жүк тасыўшы автомобиль басқарыўшылары болып, олардың биреўи басқа ўәлаяттан, ал екеўи Украина пуқаралары болып табылады. Сондай-ақ, шегара бажыхана посты қәнигесинде де усы инфекция анықланған.

Мағлыўматта келтирилиўинше, ҳәзирги ўақытқа шекем Қарақалпақстанда усы инфекция менен наўқасланыў бойынша 131 жағдай анықланған.

Соның менен бирге, министрлик бүгин – 25-май күни Республикалық жуқпалы кеселликлер емлеўханасында емленип атырған наўқаслардан және 4 адам кеселликтен пүткиллей саўалып, тийисли жуўапкерлер қатнасыўында реабилитацияға жиберилгенлигин мәлим етти.
Қарақалпақстанда коронавирус пенен наўқасланыў бойынша және 4 жағдай анықланды. Олар арасында Украина пуқаралары да бар
Соның менен, Қарақалпақстанда бул кеселликтен улыўма саўалыў көрсеткиши 122 ге жетти.

Ислам Матеков.

Сайтымыздың телеграмдағы каналына ағза болың: https://t.me/karinformuz

25-05-2020, 12:54
Көрилди: 221
Пикирлер: 0
Баспа ушын