Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Төрткүлде ана өзиниң 13 жаслы баласын 15 мың АҚШ долларына сатпақшы болды

Төрткүлде ана өзиниң 13 жаслы баласын 15 мың АҚШ долларына сатпақшы болды
Усы жылдың 19-май күни пуқара М.П. Беруний районлық ИИБға арза менен мүрәжат етип, онда Төрткүл районында жасайтуғын Қундуз исимли ҳаял нызамға қайшы түрде өз перзентин сатпақшы болып жүргенлигин мәлим еткен. Бул ҳаққында ӨзР ИИМ жанындағы Тергеў департаменти хабар берди.

Пуқара М.П.ның арзасы тийкарында сол күни саат 21:00 де Беруний районлық ИИБ хызметкерлери тәрепинен өткерилген оператив илаж даўамында Төрткүл районында жайласқан үлги жойбардағы турақ жайда ижарада жасап келген 38 жаслы Қундуз К. өзиниң ержетпеген екинши перзенти 13 жаслы Д.О.ны пуқара С.Э.ге 15 000 АҚШ долларына сатып атырған ўақытта усланған.
Төрткүлде ана өзиниң 13 жаслы баласын 15 мың АҚШ долларына сатпақшы болды
Ўақыя жүз берген орында химиялық түрде ислеў берилген 400 АҚШ доллары және қалған 14 600 АҚШ доллары муғдарындағы пуллар анықланып, айғақлы зат сыпатында орнатылған тәртипте алынған.

Жағдай бойынша Төрткүл районлық ИИБ жанындағы Тергеў бөлими тәрепинен Қундуз К.ға Өзбекстан Республикасы Жынаят кодексиниң 135-статьясының 3-бөлими «а» бәнти (адам саўдасы) тийкарында жынаят иси ашылған.

Ҳәзирги ўақытта дәслепки тергеў ҳәрекетлери алып барылмақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

26-05-2020, 12:05
Көрилди: 538
Пикирлер: 0
Баспа ушын