Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Ишки ислер министрлигиниң Нөкис «Темурбеклер мектеби» әскерий-академиялық лицейи муғаллимлерди жумысқа қабыллайды

Ишки ислер министрлигиниң Нөкис «Темурбеклер мектеби» әскерий-академиялық лицейи муғаллимлерди жумысқа қабыллайды
Өзбекстан Республикасы Ишки ислер министрлиги Нөкис «Темурбеклер мектеби» әскерий-академиялық лицейи муғаллимлерди төмендеги пәнлер бойынша таңлаў тийкарында жумысқа қабыл етеди:

1) Өзбек тили ҳәм әдебияты;
2) Қарақалпақ тили ҳәм әдебияты;
3) Рус тили ҳәм әдебияты;
4) Шет тили (инглис тили);
5) Тарийх;
6) Математика;
7) Физика;
8) Информатика ҳәм мәлимлеме технологиялары;
9) Химия;
10) Биология.

Таңлаўға қатнасатуғын педагог талабанлар тийкарынан жоқары мағлыўматлы, интеллектуаллық потенциал ҳәм профессионаллық тәжирийбеге және кеминде 5 жыллық үзликсиз педагогикалық жумыс стажына ийе болыўы керек.

Таңлаўға қатнасыў ушын талабанлар тәрепинен төмендеги ҳүжжетлер усынылады:

- Таңлаўға қатнасыў ушын «Темурбеклер мектеби» әскерий-академиялық лицейи директорының атына арза;
- Паспорт нусқасы (ҳүжжетлерди тапсырыў ўақтында паспорттың түп нусқасы көрсетиледи);
- Жоқары мағлыўмат ҳаққындағы диплом ямаса ўәкилликли мәмлекетлик уйымның сырт елдеги билимлендириў мәкемесинде алынған жоқары мағлыўмат ҳаққындағы ҳүжжетке муўапықлығы алынғаны ҳаққындағы гүўалық;
- Өткерилген аттестация нәтийжелери бойынша берилген сертификат нусқасы;
- Мийнет дәптершесиниң нусқасы;
- Мийнет жолы ҳаққындағы мағлыўматнама (Резюме);
- 3,5 х 4,5 өлшемдеги 4 дана реңли фотосүўрет.

Таңлаў қатнасыўшыларынан ҳүжжетлер усы жылдың 1-июнь сәнесинен 21-июнь сәнесине шекем қабыл етиледи.

Таңлаў қатнасыўшыларының арзалары ҳәм ҳүжжетлерди қабыл етиў орнының мәнзили: Нөкис қаласы, Төрткүл гүзары 43-жай, ИИМ Қарақалпақ академиялық лицейи.

Қарақалпақстан Республикасы ИИМ мәлимлеме хызмети.

Сайтымыздың телеграмдағы каналына ағза болың: https://t.me/karinformuz

2-06-2020, 12:01
Көрилди: 829
Пикирлер: 0
Баспа ушын