Дизимнен өтиў Кириў
Сайтқа кириў
Качественные бесплатные шаблоны dle скачать с сайта



15-июньнан баслап жумысларына рухсат берилип атырған тараўлар ҳәм оларға қойылатуғын талаплар ҳаққында

15-июньнан баслап жумысларына рухсат берилип атырған тараўлар ҳәм оларға қойылатуғын талаплар ҳаққында
Улыўмалық аўқатланыў объектлери

Республикалық арнаўлы комиссияның қарарына муўапық, 2020-жыл 15-июньнан баслап «сары» ҳәм «жасыл» категориядағы аймақларда улыўмалық аўқатланыў объектлериниң жумысларына рухсат бериледи.

Соның менен бирге, улыўмалық аўқатланыў объектлериниң жумысларын шөлкемлестириўге қойылатуғын тийкарғы талаплар сыпатында төмендегилер белгилеп қойылды:

- банкетлер ҳәм басқа ғалабалық илажларды өткериўге жол қойылмайды;
- жумыслары 08:00 ден 23:00 ге шекем алып барылады;
- столлар аралығында 2 метрден кем болмаған социаллық аралықты тәмийинлеў;
- бир стол әтирапында 4 адамнан көп болмаған (10 адамнан көп болмаған бир шаңарақ ағзалары буған кирмейди) қарыйдарларды орналастырыў;
- хызметкерлердиң медициналық нықап ҳәм медициналық қолғапта болыўы;
- ҳәр бир қарыйдардан кейин стол ҳәм басқа үскенелердиң үстинги бөлимин дезинфекциялық затлар менен тазалаў.

Буйым базарлары

Республикалық арнаўлы комиссияның қарарына муўапық, 2020-жыл 15-июньнан баслап «сары» ҳәм «жасыл» категориядағы аймақларда буйым базарларының жумысларына рухсат бериледи.

Бунда буйым базарлары турақлы түрде дезинфекцияланыўы, олардың кирип-шығыў орынларын пирометрлер, антисептик затлар ҳәм дезинфекциялық «төсек»лер менен тәмийинлеў, сатыўшылар ҳәм қарыйдарлар медициналық нықап ҳәм медициналық қолғаплардан пайдаланыўы, социаллық аралықты сақлаўы, сондай-ақ, ҳәр бир пуқараның дене температурасын өлшеп, 37°С ҳәм оннан жоқары болған, инфекциялық белгилери болған жағдайда және медициналық нықапта болмаған жағдайларда буйым базарлары аймағына киргизбеў илажларын көриў талап етиледи.

Балалар бақшалары

Республикалық арнаўлы комиссияның қарарына муўапық, 2020-жыл 15-июньнан баслап «сары» ҳәм «жасыл» категориядағы аймақларда мәмлекетлик емес мектепке шекемги билимлендириў шөлкемлериниң жумысларына рухсат бериледи.

Бунда:

- мектепке шекемги билимлендириў шөлкемлеринде шынығыўларды 15 адамнан аслам болмаған топарларда шөлкемлестириў;

- мектепке шекемги билимлендириў шөлкемлериниң имаратларын турақлы түрде дезинфекциялаў, оларға кирип-шығыў орынларын пирометрлер, антисептик затлар ҳәм дезинфекциялық «төсек»лер менен тәмийинлеў;

- хызметкерлер медициналық нықап ҳәм медициналық қолғаплардан пайдаланыўы және социаллық аралықты сақлаўы;

- дене температурасы 37°С ҳәм оннан жоқары болған ямаса инфекциялық белгилери болған хызметкер ҳәм тәрбияланыўшыларды шынығыўларға киргизбеў илажларын көриў талап етиледи.

Автобус қатнаўлары

Республикалық арнаўлы комиссияның қарарына муўапық, 2020-жыл 15-июньнан баслап «сары» ҳәм «жасыл» категориядағы аймақларда аймақлар арасындағы автобус қатнаўларына рухсат бериледи.

Бунда тасыўшылардың жумыслары төмендеги талаплардан келип шыға отырып шөлкемлестириледи:

- транспорт қуралын жуўмақлаўшы жөнелис орнында дезинфекциялаў;
- автобус салонына тек ғана медициналық нықаплардағы жолаўшыларды киргизиў;
- транспорт басқарыўшыларды медициналық қолғап ҳәм медициналық нықаплар менен тәмийинлеў және олардың турақлы түрде өз ўақтында алмастырып барылыў илажларын көриў.

Ислам Матеков.

Сайтымыздың телеграмдағы каналына ағза болың: https://t.me/karinformuz

4-06-2020, 11:59
Көрилди: 512
Пикирлер: 0
Баспа ушын