Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда «COVID-19» инфекциясы менен байланыслы жағдай бойынша соңғы мағлыўмат

Қарақалпақстанда «COVID-19» инфекциясы менен байланыслы жағдай бойынша соңғы мағлыўмат
Қарақалпақстан Республикасы Денсаўлықты сақлаў министрлигиниң хабар бериўинше, усы жылдың 28-июнь күнги жағдай бойынша республикамызда «COVID-19» коронавирус инфекциясына шалынғанлар улыўма 151 адамды кураған. Соннан 141 наўқас улыўма емленип шыққан болып, ҳәзирги ўақытта 10 наўқас емленбекте.

Емленип атырғанларды аймақлар кесиминде алып қарағанда, олардан 6 адам Нөкис қаласынан, 2 адам басқа ўәлаятлардан (халықаралық жүк тасыўшы автомобиль басқарыўшылары) және 2 адам басқа мәмлекетлердиң пуқаралары (халықаралық жүк тасыўшы автомобиль басқарыўшылары) болып есапланады.

Хабарда жазылыўынша, наўқасланған адамлардың ҳәммеси Нөкис районындағы Реабилитациялық орайда емленбекте.

Мағлыўмат ушын, 28-июнь күни Қарақалпақстанда улыўма 6 наўқас «COVID-19» коронавирус инфекциясы менен наўқасланғаны анықланған. Солардың екеўи инфекцияға шалынғанлар менен байланыста болып, карантинге алынған пуқаралар арасында, екеўи халықтың арасында ҳәм және екеўи халықаралық жүк тасыўшы автомобиль басқарыўшысында анықланған.

Ислам Матеков.

Сайтымыздың телеграмдағы каналына ағза болың: https://t.me/karinformuz

29-06-2020, 11:53
Көрилди: 405
Пикирлер: 0
Баспа ушын