Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Төрткүл гүзары ҳәм Қарақалпақстан көшеси кесилиспесинде «Lacetti»диң өртенип кетиўи бойынша рәсмий мағлыўмат берилди

Төрткүл гүзары ҳәм Қарақалпақстан көшеси кесилиспесинде «Lacetti»диң өртенип кетиўи бойынша рәсмий мағлыўмат берилди
Бүгин, 30-июнь күни саат 06:55 те Нөкис қаласы Төрткүл гүзары ҳәм Қарақалпақстан көшесиниң кесилиспесинде ҳәрекетленип баратырған, 1989-жылы туўылған пуқара З.К.ға тийисли болған, 1976-жылы туўылған пуқара К.К. басқарыўындағы «Lacetti» маркалы ақ реңли автомобильдиң мотор бөлиминде өрт келип шыққан. Бул ҳаққында бизге ҚР Айрықша жағдайлар басқармасының ҒХҚ ҳәм жәмийетлик шөлкемлер менен бирге ислесиў топарының баслығы, аға лейтенант Айбек Абдирахманов хабар берди.

Ўақыя орнына Нөкис қаласы Айрықша жағдайлар бөлиминиң 2-өрт-қутқарыў бөлиминен 2 өрт өшириў экипажы жетип барған ҳәм өрт сапластырылған.

Өрттиң келип шығыўына жол-транспорт ҳәдийсеси себеп болмаған. Өрт автомобильдиң мотор бөлиминдеги электр сымларының қысқа тутатысыўынан келип шыққан болыўы мүмкинлиги болжанбақта.

Ўақыя ақыбетинде пуқаралардың денсаўлығына ҳәм өмирине зыян жетпеген.

Өрт ақыбетинде пуқараға келтирилген материаллық зыян муғдары тексериўлер даўамында анықланады.

Ислам Матеков.

Сайтымыздың телеграмдағы каналына ағза болың: https://t.me/karinformuz

30-06-2020, 18:55
Көрилди: 452
Пикирлер: 0
Баспа ушын