Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Ертеңнен баслап карантин шеклеўлери күшейтиледи. Қайсы тараўлардың жумыслары тоқтатылады?

Ертеңнен баслап карантин шеклеўлери күшейтиледи. Қайсы тараўлардың жумыслары тоқтатылады?
Республикалық арнаўлы комиссияның қарарына муўапық, 2020-жыл 10-июльдан баслап 2020-жыл 1-августқа шекем республика бойлап төмендеги карантин шеклеўлери енгизиледи:

- автотранспорт қуралларының ҳәрекетлениўи шекленеди;

- мәмлекетлик уйымлар ҳәм шөлкемлердиң тийкарғы жумысларына тәсир етпеген ҳалда нызамшылықта белгиленген тәртипте мийнет дем алысына шығарылыўы, қалған бөлиминиң жумысларын максимал дәрежеде аралықтан турып (онлайн ямаса дистанцион тәризде) шөлкемлестириў белгиленди;

- мәмлекетлик уйымлар, шөлкемлер ҳәм кәрханаларда жыйналыслар өткериў қадаған етиледи, зәрүр жағдайларда жыйналысларды видеоконференц байланыс режиминде өткериў белгиленеди;

- аймақлар арасында автотранспорт қуралларының қатнаўы қадаған етиледи (аўыл хожалығы өнимлерин жетистиретуғын шөлкемлерге тийисли хызмет ҳәм жеке автотранспорт қуралларының ҳәрекети буған кирмейди);

- тамаша, мәдений-кеўилашар ҳәм басқа ғалабалық илажларды өткериў қадаған етиледи;

- той ҳәм басқа шаңарақлық мәресимлерди өткериў қадаған етиледи;

- 65 жастан жоқары болған адамлардың жәмийетлик орынларда, сондай-ақ, халықтың көшелерде ҳәм майданшаларда 3 адамнан артық болып ҳәрекетлениўи шекленеди.

Қарар тийкарында төмендеги объектлердиң жумыслары тоқтатылады:

- парклер ҳәм дем алыў бағларындағы аттракционлар;

- буйым базарлары ҳәм буйымлардың саўдасы менен шуғылланатуғын үлкен дүканлар;

- спорт заллары, фитнес клуб, тренажёр ҳәм бассейнлер;

- шөлкемлестириўшилик-ҳуқықый ҳәм мүлкшилик формасына қарамастан мектепке шекемги билимлендириў шөлкемлери, оқыў курслары ҳәм ҳәр қандай дөгереклер;

- улыўмалық аўқатланыў объектлери (ресторан, кафе, асхана, чайхана) (жеткерип бериў (кейтеринг) хызмети буған кирмейди);

- санаторийлар, пансионатлар, балалар дем алыў орайлары, мийман үйлери, пляжлар ҳәм басқа дем алыў орынлары.

Сондай-ақ, қарар тийкарында халықаралық авиарейслер ҳәм жүк тасыўлар менен байланыслы төмендеги тәртиплер белгиленди:

- халықаралық авиарейслер сырт еллердеги эпидемиологиялық жағдайды анализлеген ҳалда еки есеге қысқартылады;

- халықаралық жүк тасыўларды әмелге асыратуғын автотранспорт қуралларының басқарыўшылары мәжбүрий тәртипте коронавирус инфекциясын анықлаў бойынша тест тапсырады.

Ислам Матеков.

Сайтымыздың телеграмдағы каналына ағза болың: https://t.me/karinformuz

9-07-2020, 12:31
Көрилди: 463
Пикирлер: 0
Баспа ушын