Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Россияда жумыс ислеген дәўир пенсия тайынлаўда есапқа алына ма?

Россияда жумыс ислеген дәўир пенсия тайынлаўда есапқа алына ма?
Әмелдеги пенсия нызамшылығына муўапық, сырт елде жумыс исленген дәўир төмендеги шәртлер тийкарында мийнет стажына қосылады:

- 2019-жыл 1-январьға шекемги болған дәўир ушын – Өзбекстан Республикасы Қаржы министрлиги жанындағы бюджеттен тыс Пенсия қорына қамсызландырыў төлемлери төленген жағдайда;

- 2019-жыл 1-январьдан кейинги дәўир ушын – бирден-бир социаллық салық төленген жағдайда.

Сырт елде жумыс ислеген дәўир ушын социаллық салықлар төлеў Министрлер Кабинетиниң 2016-жыл 22-февральдағы 46-санлы қарары тийкарында тастыйықланған Уставта белгиленген. Бунда сырт елде жалланып жумыс ислейтуғын адам пенсия менен тәмийинлениў муғдарларынан келип шығып Пенсия қорына бирден-бир социаллық төлем муғдарын еркин түрде, бирақ жылына Пенсия қорына бирден-бир социаллық төлем төлеў сәнесинде нызам ҳүжжетлеринде белгиленген пенсияны есаплаўдың базалық муғдарының төрт ярым есеси муғдарында белгилеўи мүмкин.

Сырт елде жалланып жумыс ислейтуғын адам тәрепинен бирден-бир социаллық төлем төлеў төмендеги тәртипте әмелге асырылыўы мүмкин:

- ҳәр айда ямаса ҳәр шеректе;

- биротала – Өзбекстан Республикасына келген күнинен баслап 3 жыл даўамында.

Ислам Матеков.

Сайтымыздың телеграмдағы каналына ағза болың: https://t.me/karinformuz

13-07-2020, 17:13
Көрилди: 273
Пикирлер: 0
Баспа ушын