Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Хожелиде еки пуқара арасында пышақласыў жүз берди

Хожелиде еки пуқара арасында пышақласыў жүз берди
Усы жылдың 3-август күни саат 22:00 де 34 жаслы М.П. Хожели районы Дослық көшесинде кетип баратырғанда танысы, 29 жаслы Д.Е.ни көрип қалады. Ол бир күн алдын болып өткен ўақыя себепли бир мәрте жүзине урғанынан ашыўланып, үйинен алған асхана пышағы менен Д.Е.ни қорқытып қойыў мақсетинде көрсетип, бир мәрте силтеген ўақытта, Д.Е.ниң қарын бөлимине тығып алып, өмир ушын қәўипли болған аўыр дене жарақатын жеткерген.

ӨзР ИИМ жанындағы Тергеў департаментиниң хабар бериўинше, Д.Е. алған дене жарақаты менен медициналық мәкемеге жатқарылған.
Хожелиде еки пуқара арасында пышақласыў жүз берди
Ўақыя жүз берген орыннан жынаят қуралы болған 1 дана асхана пышағы айғақлы дәлил сыпатында рәсмийлестирип алынған.

Жағдай бойынша Хожели районлық ИИБ жанындағы Тергеў бөлимшеси тәрепинен ӨзР Жынаят кодексиниң 104-статьясы 1-бөлими (қастан денеге аўыр зыян жеткериў) менен жынаят иси ашылған, ҳәзирги ўақытта тергеў ҳәрекетлери даўам етпекте.

Ислам Матеков.

Сайтымыздың телеграмдағы каналына ағза болың: https://t.me/karinformuz

10-08-2020, 17:53
Көрилди: 384
Пикирлер: 0
Баспа ушын