Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Дене температурасы 37 градустан жоқары болған ҳәм тестке киргизилмеген абитуриентлер ушын тест сынақлары қашан өткерилетуғыны мәлим болды

Дене температурасы 37 градустан жоқары болған ҳәм тестке киргизилмеген абитуриентлер ушын тест сынақлары қашан өткерилетуғыны мәлим болды
Өзбекстан бойлап тест сынақлары 2-сентябрьден басланды ҳәм күнине 2 мезгилде, ҳаўа салқын ўақытта өткерилди.

Тест сынақлары Қарақалпақстан Республикасында 13-сентябрь күни жуўмақланды. Бул ҳаққында МТО рәсмий сайты хабар берди.

Өзбекстан бойанша тест сынақларында қатнасыўы белгиленген 1 млн 304 мың 194 абитуриенттиң 1 млн 240 мың 614 и (95,1%) қатнасты. 63 мың 580 абитуриент болса (4,9%) ҳәр қыйлы себеплерге байланыслы тест сынақларында қатнаспады.

Улыўма 1 187 абитуриент ҳәр қыйлы себеплерге байланыслы тест сынақларынан шетлетилди. Соннан 548 и аймаққа кириўде, 639 ы болса тест сынақлары процесинде анықланған.

Тест сынақларына Өзбекстан бойынша 90 абитуриент дене температурасы 37˚С тан жоқары болғанлығы себепли акт дүзилип, киргизилмеди.

Мәмлекетлик комиссияның 2020-жыл 19-июньдағы 1-санлы протоколы тийкарында, 17-сентябрь күни дене температурасы 37˚С тан жоқары болған, тест сынақларына киргизилмеген абитуриентлер ушын Қарақалпақстан Республикасы, ўәлаятлар ҳәм Ташкент қаласында таярланған стадион ҳәм қыябанларда қосымша тест сынақлары өткерилиўи жобаластырылмақта.

Ислам Матеков.

Сайтымыздың телеграмдағы каналына ағза болың: https://t.me/karinformuz

14-09-2020, 15:59
Көрилди: 106
Пикирлер: 0
Баспа ушын