Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Әмиўдәрьяда тәртип-қағыйдаларға бойсынбай той сейилине шыққанларға шара көрилди

Әмиўдәрьяда тәртип-қағыйдаларға бойсынбай той сейилине шыққанларға шара көрилди
Усы жылдың 5-сентябрь күни Әмиўдәрья районы «Әмиўдәрья» АПЖ Гөне бас суў аймағындағы 275-жайда жасаўшы пуқара М.А.ның баласы К.Ў.диң үйленген тойында келин-күйеў ҳәм оның жора-жолдаслары той сейилине шығыў мақсетинде усы АПЖ аймағынан өтиўши ишки айланба жолында 6 «Captiva», 1 «Malibu», 1 «Lacetti» ҳәм 1 «Matiz» маркалы автомобильлерде топар болып ҳәрекетленип, жол ҳәрекети қағыйдаларына әмел етпеген.

ҚР ИИМ ЖҲҚБ баспасөз топарының мәлим етиўинше, той сейили даўамында пуқара Н.Ж. машинаның жоқарғы (люк) бөлегинен денесин шығарып, жол ҳәрекети қағыйдаларын турпайы түрде бузған.

Бул ўақыялар жол жерден өтип баратырған пуқаралар тәрепинен қол телефонына түсирилип, социаллық тармақларға тарқатылған.

Нәтийжеде қағыйда бузыўшыларға ҚР ИИМ Жол ҳәрекети қәўипсизлиги басқармасы Жол-патруль хызметиниң 2-көшпели топар хызметкерлери тәрепинен ӨзР Ҳәкимшилик жуўапкершилик ҳаққындағы кодекстиң 129-статьясына тийкарланып ҳәкимшилик шара көрилген ҳәм автотранспорт қураллары ўақытша жәрийма майданшасына қойылған.

Сайтымыздың телеграмдағы каналына ағза болың: https://t.me/karinformuz

16-09-2020, 11:14
Көрилди: 110
Пикирлер: 0
Баспа ушын