Дизимнен өтиў Кириў
Сайтқа кириў
Качественные бесплатные шаблоны dle скачать с сайта



ТИТУ студенти усы жылы енгизилген Муҳаммед ал-Хорезмий атындағы стипендия ийеси болды



Муҳаммед ал-Хорезмий атындағы Ташкент информациялық технологиялары университети Нөкис филиалының студенти Улбосын Сапарова 2017-2018-оқыў жылында усы жылы биринши мәрте енгизилген зийрек студентлер ушын берилетуғын Муҳаммед ал-Хорезмий атындағы стипендия ийеси болды.
Ол усы университеттиң «Компьютер инжиниринги» факультетиниң телекоммуникация технологиялары бағдары 2-басқышында билим алмақта.
«Ол өзиниң сабақларын толық өзлестирип, айрықша баҳаларға оқыў менен бирге, көплеп илимий конференцияларға қатнасып келмекте. Бүгинге дейин ол устазлары менен биргеликте 12ге жақын илмий мақала ҳәм тезислери менен халық аралық ҳәм республикалық илмий-әмелий конференцияларда белсене қатнасқан. Улбосын «Ең жақсы тармақ администраторы» таңлаўына да белсенди қатнасты», - деп хабар берди усы университет Нөкис филиалының оқыў жәрдемши бөлиминиң лаборанты Саламат Авезов.

3-12-2017, 00:55
Көрилди: 924
Пикирлер: 0
Баспа ушын