Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Магистратура имтиханларына қатнаса алмаған айырым абитуриентлерге және бир имканият берилмекте

Магистратура имтиханларына қатнаса алмаған айырым абитуриентлерге және бир имканият берилмекте
Жоқары ҳәм орта арнаўлы билимлендириў министрлиги республикалық жоқары оқыў орынларының магистратурасына оқыўға кириў ушын дизимнен өткен (арза тапсырған), бирақ кеширимли себеплерге байланыслы онлайн тест сынақларына қатнаса алмаған абитуриентлердиң мүрәжатларына тийкарланып (арза менен мүрәжат еткен ҳәм арзалары тийкарлы деп табылған) олар ушын 2020-жыл 22-сентябрь күни саат 10:00 де онлайн тест сынақлары өткерилетуғынлығын мәлим етти.

Усы онлайн тест сынақларына қатнасыўға рухсат берилген (арза менен мүрәжат еткен ҳәм арзалары тийкарлы деп табылған) абитуриентлер 2020-жыл 21-сентябрь күни саат 10:00 ден баслап өзлериниң жеке кабинетлеринен (magistr.edu.uz платформасындағы) логин ҳәм пароли арқалы онлайн тест сынақларына қатнасыў ушын рухсатнама алыўы мүмкин.

Усы категориядағы абитуриентлерден рухсатнамаларында белгиленген мәнзиллерге (аймақ, имарат) пуқаралық паспорты және тестке қатнасыў рухсатнамасы менен 22-сентябрь күни саат 09:30 ға шекем жетип келиўи талап етиледи.

Белгиленген мүддеттен кешигип келген абитуриентлер тест сынақларына киргизилмейди.

Ислам Матеков.

Сайтымыздың телеграмдағы каналына ағза болың: https://t.me/karinformuz

21-09-2020, 12:12
Көрилди: 145
Пикирлер: 0
Баспа ушын