Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Сентябрь айының соңғы күнлери ҳаўа райы қандай болыўы күтиледи? Ҳәптелик ҳаўа райы мағлыўматы

Сентябрь айының соңғы күнлери ҳаўа райы қандай болыўы күтиледи? Ҳәптелик ҳаўа райы мағлыўматы
Бүгин республикамыз аймағында алағат бултлы ҳәм салыстырмалы жыллы ҳаўа сақланып қалмақта. Күндизги температура усы күнниң климатлық нормаларынан бираз төмен болып, 20-25 градусқа шекем көтерилди.

«Өзгидромет»тиң хабар бериўинше, 29-30-сентябрь күнлери республикамыз аймағында бәлентликтеги циклон тәсири сақланып турады. Бултлы ҳаўа райы болыўы күтиледи.

29-сентябрьде Өзбекстанның көпшилик ўәлаятларында жаўын-шашын болады, бирақ Қарақалпақстанда жаўын-шашын болыўы күтилмейди.

29-30-сентябрьде күндизги температура 15-20 градусқа шекем төменлейди, бул климатлық нормалардан 6-8 градусқа төмен болып есапланады.

1-3-октябрьде республикамыз бойлап ҳаўа райы жаўын-шашынларсыз өтеди. Айрым орынларға думан түсиўи мүмкин. Түнде ҳәм азанда салқын ҳаўа ағымының тәсири сақланып турады. Температура 5-8 градусқа шекем төменлейди. Күндизги қуяш нурлары ҳаўаны әсте жылытып, температура 22-25 градусқа шекем көтериледи.

Ислам Матеков.

Сайтымыздың телеграмдағы каналына ағза болың: https://t.me/karinformuz

28-09-2020, 17:52
Көрилди: 182
Пикирлер: 0
Баспа ушын