Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанлы футболшы Өзбекстан жас өспиримлер сайланды командасы қурамында ойынларға қатнасады

Қарақалпақстанлы футболшы Өзбекстан жас өспиримлер сайланды командасы қурамында ойынларға қатнасады
Азия чемпионатына таярлық көрип атырған U16 Өзбекстан сайланды командасы ушын 29-октябрьден 9-ноябрьге шекем оқыў-шынығыў жыйыны болып өтеди. Бул ҳаққында Қарақалпақстан Футбол ассоциациясы хабар берди.

Бас тренер Олим Шокиров қол астындағы жас өспиримлер сайланды командасы Ташкент қаласында жыйналып, 1-ноябрьге шекем «Чиғатой» базасында шынығыўлар өткереди. Болып өтетуғын шынығыўларға тренерлер штабы 25 футболшыны сайлап алған.

2-ноябрь күни 23 футболшыдан ибарат болған Өзбекстан жас өспиримлер сайланды командасы Дубай қаласына жол алады. Жыйын даўамында Өзбекстан ҳәм БАӘ жас өспиримлери арасында еки жолдаслық ойыны өткериледи. Усы ушырасыўлар 4- ҳәм 7-ноябрь күнлери болып өтиўи жобаластырылған.

Қуўанышлы тәрепи, жыйынға қарақалпақстанлы Жавохир Утамуратов та шақырылған. Ол жас өспиримлер сайланды командасы қурамында қорғаўшы титулында ойын өткереди.

Ислам Матеков.

Сайтымыздың телеграмдағы каналына ағза болың: https://t.me/karinformuz

29-10-2020, 17:16
Көрилди: 313
Пикирлер: 0
Баспа ушын