Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Өзбекстан ҳәм Қазақстан демаркациялық комиссиясында Маңғыстаў менен Қарақалпақстан арасындағы шегараны белгилеў мәселеси көрип шығылды

Өзбекстан ҳәм Қазақстан демаркациялық комиссиясында Маңғыстаў менен Қарақалпақстан арасындағы шегараны белгилеў мәселеси көрип шығылды
12-17-ноябрь күнлери Сырдәрья ўәлаятының Гүлистан қаласында Өзбекстан-Қазақстан демаркациялық қоспа комиссиясында Өзбекстан Республикасы ҳәм Қазақстан Республикасы ҳүкиметлик делегацияларының гезектеги жыйналысы болып өтти. Бул ҳаққында «Дунё» мәлимлеме агентлигине тийкарланып «Xabar.uz» мәлим етти.

Хабарда жазылыўынша, комиссия Маңғыстаў областы менен шегаралас болған Қарақалпақстан қурамындағы участкасы ушын мәмлекетлер аралық шегараны белгилеў бойынша жуўмақлаўшы ҳүжжетлердиң жойбарларын таярлаўды даўам еттирген.

Комиссия жыйналысы даўамында Сардоба суў сақлағышы бөгетиниң опырылыўы нәтийжесинде бузылған шегара сүтинлерин тиклеў мақсетинде Қазақстан Республикасының Түркстан областы менен шегара бойлап Өзбекстан Республикасының Сырдәрья ҳәм Жиззақ ўәлаятлары шегараларында Өзбекстан-Қазақстан мәмлекетлик шегарасының айрым участкаларында дала тексериўи өткерилди.

Ислам Матеков.

Сайтымыздың телеграмдағы каналына ағза болың: https://t.me/karinformuz

20-11-2020, 16:53
Көрилди: 260
Пикирлер: 0
Баспа ушын