Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Берунийде күшли самал ақыбетинде электр бағаналары қулап түсти

Берунийде күшли самал ақыбетинде электр бағаналары қулап түсти
21-январь күни түнде елимиз аймағында ҳаўа райының кескин суўытыўы ҳәм қар жаўыўы ақыбетинде электр тәмийнаты системасында авариялар жүзеге келип, Қарақалпақстан Республикасы районларының айрым аймақларында үзилислер жүзеге келди. Бул ҳаққында «Қарақалпақ аймақлық электр тармақлары кәрханасы» АЖ баспасөз хызмети хабар берди.
Берунийде күшли самал ақыбетинде электр бағаналары қулап түсти
Үзилислер көлеми оншелли үлкен болмаса да жәмийет басшылары тәрепинен тутыныўшыларға электр энергиясын жеткерип бериўди тиклеўдиң барлық илажлары көрилди. Район ҳәм қалалық ЭТКлардың тәжирийбели қәнигелеринен дүзилген жумысшы топар ағзалары ҳаўа электр узатыў линияларын көзден өткерди.
Берунийде күшли самал ақыбетинде электр бағаналары қулап түсти
Беруний районындағы «Абай» АПЖ аймағында күшли самал ақыбетинде 5 электр бағанасы сынып, жерге қулап түскени анықланды ҳәм авария орнына жедел түрде оңлаў бригадалары жиберилди. Олар ҳәзирги ўақытта бағаналарды ҳәм үзилген электр сымларды алмастырыў жумысларын жуўмақлаў илажларын көрмекте.

Ислам Матеков.

Сайтымыздың телеграмдағы каналына ағза болың: https://t.me/karinformuz

23-01-2021, 14:56
Көрилди: 128
Пикирлер: 0
Баспа ушын