Дизимнен өтиў Кириў
Сайтқа кириў
Качественные бесплатные шаблоны dle скачать с сайта



28-январьдан концерт-тамаша илажларын шөлкемлестириўге рухсат бериледи

28-январьдан концерт-тамаша илажларын шөлкемлестириўге рухсат бериледи
Республикалық арнаўлы комиссияның қарарына муўапық, Өзбекстанда 28-январьдан концерт-тамаша илажларын шөлкемлестириўге рухсат бериледи.

Атап өтилиўинше, соңғы ўақытларда келип түскен көплеген мәденият тараўы ўәкиллериниң мүрәжатларын есапқа ала отырып, сондай-ақ, халықтың мәдений дем алыўы ушын қолайлы шараятлар жаратыў мақсетинде концерт-тамаша илажларын 2021-жылдың 28-январынан баслап санитариялық-эпидемиологиялық талапларға қатаң әмел еткен ҳалда шөлкемлестириўге рухсат берилди.

Республикалық арнаўлы комиссияның қарары тийкарында концерт ҳәм тамаша илажларын өткериў бойынша төмендеги талаплар белгиленди:

- концерт сарайларының тамашагөй сыйымлылығын есапқа алған ҳалда тамашагөйлер санын 50 проценттен арттырмаған ҳалда шөлкемлестириў;

- концерт сарайларының тамашагөйлер ушын арналған орынлардан аралықты сақлаған ҳалда пайдаланыўын тәмийинлеў ҳәм бул бойынша аралықты сақлаў ушын талап етилетуғын орынларды консервациялаў;

- концерт сарайларына баратуғын тамашагөй және хызмет көрсетиўши хызметкерлер қатаң түрде нықапта болыўы.

Ислам Матеков.

Сайтымыздың телеграмдағы каналына ағза болың: https://t.me/karinformuz

26-01-2021, 17:16
Көрилди: 159
Пикирлер: 0
Баспа ушын