Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанлы жас өспиримлер футзал бойынша тарийхый нәтийжени қолға киргизди

Қарақалпақстанлы жас өспиримлер футзал бойынша тарийхый нәтийжени қолға киргизди
Ташкент ўәлаятында 2008-жылы туўылған жас өспиримлер арасында спорттың футзал түринен «Спорт мектеплери футбол лигасы» Өзбекстан чемпионаты болып өтти.

Чемпионаттың финал басқышы бүгин, 10-март күни саат 12:00 де өткерилди. Онда Қарақалпақстан Республикасы ҳәм Сырдәрья ўәлаяты сайланды командалары жеңимпазлық ушын өз ара жарысқа түсти.

Финал ойынында Қарақалпақстан Республикасы сайланды командасы қарсыласларына ҳеш қандай имканият қалдырмай, 3:0 есабында толық жеңиске еристи ҳәм спорт тарийхында биринши мәрте Өзбекстан чемпионы болды.
Қарақалпақстанлы жас өспиримлер футзал бойынша тарийхый нәтийжени қолға киргизди
Ең әҳмийетлиси, Қарақалпақстан Республикасы сайланды командасы усы жарыста өткерилген барлық ойынларда улыўма өз дәрўазасынан топ алып шықпады. Яғный, ҳеш бир команда республикамыз командасы дәрўазасына гол ура алмады.

Спортшыларды жарысқа бас тренер Исламбек Уснатдинов ҳәм тренер Сейтмурат Қалжанов таярлады.

Ислам Матеков.

Сайтымыздың телеграмдағы каналына ағза болың: https://t.me/karinformuz

10-03-2021, 18:19
Көрилди: 631
Пикирлер: 0
Баспа ушын