Муғаллим, тәрбияшы, шыпакер ҳәм мийирбийкелер ушын автокредит бериледи

Муғаллимлер, оқытыўшылар, тәрбияшылар, шыпакер ҳәм мийирбийкелер ушын 4 жыллық автокредит енгизиледи. Бул ҳаққында «Ипотека банк»тиң баспасөз хызмети хабар берди.

Хабарда жазылыўынша, муғаллимлер, оқытыўшылар, тәрбияшылар, шыпакер ҳәм мийирбийкелерди финанслық қоллап-қуўатлаў мақсетинде берилетуғын «Фидокор» автокредити бойынша өзгерислер киргизилмекте.

Жоқары ҳәм орта арнаўлы, Халық билимлендириў, Мектепке шекемги билимлендириў ҳәм Денсаўлықты сақлаў министрликлери системасындағы мәкеме хызметкерлери ушын 15-марттан баслап «Фидокор» автокредити: мүддети 48 айға шекем, жыллық үстеме ҳақы 22 процент, дәслепки төлеми 30 процент шәрти тийкарында бериледи.

Ислам Матеков.

Сайтымыздың телеграмдағы каналына ағза болың: https://t.me/karinformuz