22-марттан баслап жаңа телеканал эфирге узатылады

«Aqlvoy» жаңа кеўилашар-ағартыўшылық телеканалы 22-марттан баслап Өзбекстан бойлап эфирге узатылады. Бул ҳаққында ӨзР Мектепке шекемги билимлендириў министрлиги хабар берди.

Хабарда жазылыўынша, жаңа телеканал ойлаў ҳәм қызығыўшылықты оятады, логикалық пикирлеўди раўажландырады, илим алыўға түртки береди, ойлап табыўшылыққа илҳамландырады, жаңа идеялар береди, билимлер дүньясына алып киреди.

Мағлыўмат ушын, «Aqlvoy» телеканалы Ҳүкиметтиң «Қәнигелескен балалар кеўилашар-ағартыўшылық телеканалын шөлкемлестириў ҳаққында»ғы қарары тийкарында шөлкемлестирилди.

Мағлыўматларды қызықлы ҳәм түсиникли формада жеткерип бериў арқалы балалардың билим алыўын хошаметлеў, интеллектуаллық ҳәм дөретиўшилик көнликпелерин раўажландырыў усы телеканалдың тийкарғы ўазыйпасы және баслы бағларларының бири болып табылады.

Ислам Матеков.

Сайтымыздың телеграмдағы каналына ағза болың: https://t.me/karinformuz