Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанлы спортшы Токио олимпиадасына жолламаны қолға киргизди

Қарақалпақстанлы спортшы Токио олимпиадасына жолламаны қолға киргизди
Ташкент қаласында жүзиў бойынша Өзбекстан ашық чемпионаты болып өтти.

Чемпионатта жерлесимиз, Қарақалпақ мәмлекетлик университетиниң студенти Әдилбек Юсупбаев 100 метрге баттерфляй усылында жүзиў бойынша олимпиада нормативин орынлады.

Университет баспасөз хызметиниң мәлим етиўинше, Әдилбек 51,71 секунд нәтийже көрсетип (олимпиада нормативи 51,96 секунд), Токио олимпиадасы жолламасын қолға киргизди.

Еслетип өтемиз, Әдилбек Юсупбаев Нөкис олимпия резервлери колледжинде оқып жүрген ўақтында Өзбекстан чемпионатында 9 алтын медальды қолға киргизип, тарийхый нәтийже көрсеткенлиги, сондай-ақ, Азия чемпионатында жеңимпазлар қатарынан орын алғаны халқымызды қуўанышқа бөлеген еди.

Ислам Матеков.

Сайтымыздың телеграмдағы каналына ағза болың: https://t.me/karinformuz

19-04-2021, 12:21
Көрилди: 772
Пикирлер: 0
Баспа ушын