Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қоңыратта жол-патруль инспекторы ҳәм пуқара арасында келип шыққан жәнжел бойынша рәсмий мағлыўмат берилди

Қоңыратта жол-патруль инспекторы ҳәм пуқара арасында келип шыққан жәнжел бойынша рәсмий мағлыўмат берилди
Социаллық тармақларда Қоңырат районында жол-патруль инспекторы ҳәм пуқара арасында келип шыққан жәнжел бойынша видеокөринислер тарқалды. ӨзР ИИМ ЖҲҚББ жағдай бойынша рәсмий мағлыўмат берди.

Усы жылдың 18-апрель күни Қоңырат районы аймағында дийқан базары әтирапында хызмет алып барып атырған жол-патруль хызмети инспекторы А.Алламбергеновтың жанына мәс ҳалдағы пуқара келип, хызметкердиң жумыс ислеўине ҳәр қыйлы ҳәрекетлер менен кесент еткен. Хызметкер пуқараға мәс ҳалда екенлиги, жасаў орнына барыўы кереклигин айтқанына қарамастан ҳәр қыйлы сөзлер менен хызметкерге кесент етиўди даўам еткен.

Буннан соң ЖПХ хызметкери ҳәм пуқара арасында жәнжел келип шыққан. ЖПХ хызметкери пуқараға медициналық тексериўден өтиўди усыныс еткен ҳәм медициналық тексериў жуўмағына муўапық мәслик жағдайы тастыйықланған.

ЖПХ хызметкери районлық ИИБ баслығының атына мәлимлеме арқалы мүрәжат етип, болып өткен жағдайды толық мәлим еткен ҳәм тийисли тәртипте көрип шығылыўын сораған.

Бул жағдай бойынша Қоңырат районлық ИИБ тәрепинен сорастырыў ҳәрекетлери алып барылмақта, деп жазылған хабарда.

Ислам Матеков.

Сайтымыздың телеграмдағы каналына ағза болың: https://t.me/karinformuz

20-04-2021, 16:30
Көрилди: 795
Пикирлер: 0
Баспа ушын