Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бозатаўда поэзия күнлери

Бозатаўда поэзия күнлери
«Жаңа Өзбекстан жаслары, бирлесейик!» сүрени тийкарында мәмлекетимиз бойлап көтериңки руўхта өткерилген жаслар фестивалы шеңберинде Бозатаў районындағы Жаслар орайында поэзия кешеси болып өтти. Онда әдебиятқа ықлас қойған жас дөретиўшилер ҳәм белгили шайыр-жазыўшылар қатнасты.

Өзбекстан Жазыўшылар аўқамы баслығының Жаслар менен ислесиў бойынша орынбасары, шайыр Б.Эргашев, Қарақалпақстан Жазыўшылар аўқамы баслығы К.Кәримов ҳәм өзбек заманагөй прозасында тез пәт пенен танылып атырған жас жазыўшы, «Қорқпа» романы авторы Ж.Жовлиевлар сөзге шығып, журтымызда әдебиятқа, әсиресе жас дөретиўшилерге қаратылып атырған итибар ҳаққында айтып өтти.
Бозатаўда поэзия күнлери
Өзбекстан Жазыўшылар аўқамының «Биринши китабым» жойбары тийкарында туңғыш китаплары жәрияланған, республкамыздың түрли ўәлаятларынан жыйналған жас шайыр ҳәм жазыўшылар да сөзге шығып, фестиваль тәсирлери менен бөлисти. Сондай-ақ, «Бозатаў илҳамлары» деп аталған жаслар баязының презентациясы болып өтип, оннан орын алған қосықлар тыңлаўшылар нәзерине усынылды.

Жаслар ислери агентлиги ҳәм Жас дөретиўшилер кеңеси басшылығында шөлкемлестирилген «Дуэль» таңлаўының 2021-жылдан баслап кең маштабта өткерилиўи, шәртлери ҳәм талаплары туўралы да түсиниклер берилди. Соңынан поэзия ықласбентлери тәрепинен дослық мушайрасы өткерилип, онда Ўатан, туўылған жер, дослық ҳәм ҳәр түрли мазмундағы қосықлар оқылды.
Бозатаўда поэзия күнлери
Қарақалпақ поэзиясының жас ўәкиллери болған А.Дәрменов, Н.Караматдинова, Б.Жолдасбаев, А.Мухамедияров, А.Смайилов, А.Өмирбаева ҳәм т.б шайырлар өз қосықлары менен қатнасып, жыйналғанларда айрықша тәсир қалдырды.

Поэзия кешеси даўамында И.Юсупов атындағы қәнигелестирилген мектеп-интернаты оқыўшылар да өз дөретплери менен қатнасып, кешениң мазмунлы өтиўине себепши болды.

Атағулла Сатбаев,
ҚМУ магистранты, жас дөретиўши.


Сайтымыздың телеграмдағы каналына ағза болың: https://t.me/karinformuz

12-06-2021, 13:58
Көрилди: 952
Пикирлер: 0
Баспа ушын