Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бокс бойынша қызлар арасында өткерилген Өзбекстан чемпионатында қарақалпақстанлы боксшы қызлар 13 медальды қолға киргизди

Бокс бойынша қызлар арасында өткерилген Өзбекстан чемпионатында қарақалпақстанлы боксшы қызлар 13 медальды қолға киргизди
Усы жылдың 14-июнь күни Қашқадәрья ўәлаятының Қаршы қаласында жас өспирим қызлар арасында спорттың бокс түри бойынша Өзбекстан чемпионатына старт берилгени ҳаққында алдын хабар берген едик.

Жарыс еки жас категориясында – 2005-2006 ҳәм 2007-2008-жылларда туўылған қызлар арасында өткерилди. Жарыста Өзбекстанның барлық аймақларынан 290 ға шамалас боксшы қызлар медальлар ушын күш сынасты.

2007-2008-жылларда туўылған жас өспирим қызлар арасында Қарақалпақстан Республикасынан:

67 кг салмақ категориясында Жанерке Абдалова алтын медаль;
46 кг салмақта Зухра Тасқынбаева гүмис медаль;
55 кг салмақ категориясында Айзада Нийетбаева гүмис медаль;
55 кг салмақта Сахиба Йўлдашева бронза медаль;
40 кг салмақта Азиза Мергенбаева бронза медаль;
61 кг салмақта Айнура Бекжанова бронза медалын қолға киргизди ҳәм 1 алтын, 2 гүмис ҳәм 3 бронза медалы менен Қарақалпақстан Республикасы улыўма командалық есапта 5-орынды бәнтледи.

2005-2006-жылларда туўылған қызлар арасында республикамыз боксшылары әжайып нәтийжени қолға киргизди. Атап айтқанда:

54 кг салмақ категориясында Гүлдана Тилеўбергенова алтын медаль;
57 кг салмақта Рано Муратбаева алтын медаль;
42 кг салмақ категориясында Лайло Нуруллаева гүмис медаль;
46 кг салмақта Диларам Генжебаева гүмис медаль;
54 кг салмақ категориясында Гүлчеҳра Қәдирбаева бронза медаль;
60 кг салмақта Гүлистан Пиримбетова бронза медаль;
80+ кг салмақ категориясында Меҳрибан Салиева бронза медалын жеңип алды. Бул жас категориясында республикамыз 2 алтын, 2 гүмис ҳәм 3 бронза медалы менен улыўма командалық есапта сыйлы 2-орынды ийеледи.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

19-06-2021, 18:19
Көрилди: 291
Пикирлер: 0
Баспа ушын