Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Мақтанаман кәсибим менен

Мақтанаман кәсибим менен
Мақтанаман кәсибим менен,
Маған досларым ҳәўес етер.
Ушқыр ойлы балалар менен,
Кеўлим толып, көкке жетер.

Бала ушын жасаў бахытдур,
Балалыққа аңсат қайтарар.
Балалық – бул алтын тахтдур,
Қылықлары терең ой салар.

Реңлерди аңсат айырар,
Олар ушын булар дым қолай.
Сораў берсең, жуўап қайырар,
Иркилместен аңсат ҳәм оңай.

Ертек айтсаң тыңлар қунығып,
Кеўлинде жоқ ҳеш бир гирбиңи.
Балалықтан барар шынығып,
Қутлы қәдем таслап ҳәр күни.

Ҳәммеге де орын табылар,
Олар салған «үлкен қаладан».
Кеңпейилли уллы адамлар,
Шығып қалар усы баладан.

Алима Жумамуратова,
Қоңырат районлық МШББға караслы 1-санлы МШБШ тәрбияшысы.


Сайтымыздың телеграмдағы каналына ағза болың: https://t.me/karinformuz

6-07-2021, 18:04
Көрилди: 395
Пикирлер: 0
Баспа ушын