Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Вакцина алған студентлердиң контракт төлемине шегирме бериў тәртиби мәлим болды

Вакцина алған студентлердиң контракт төлемине шегирме бериў тәртиби мәлим болды
Коронавирусқа қарсы гүресиў илажларын муўапықластырыўшы Республикалық арнаўлы комиссиясының 2021-жыл 3-июльдағы 75-санлы жыйналыс протоколына муўапық, коронавирус инфекциясына қарсы Мәмлекетлик бюджет қаржылары есабынан шаншылыўы зәрүр болған қәўип асты топарына киретуғын халық қатламы қатарына республикада жумыс алып барып атырған барлық мәмлекетлик ҳәм мәмлекетлик емес жоқары оқыў орынларының бакалавиатура, магистратура, клиникалық ординатурада оқып атырған студентлери де қосылды.

Республикамыздағы жоқары оқыў орынларында оқып атырған 18 жастан үлкен болған студентлер жазғы дем алыс даўамында турақлы жасаў орынларындағы аймақлық бирлемши медициналық санитариялық пункти (шаңарақлық поликлиника, орайлық поликлиника, аўыллық шаңарақлық поликлиникасы, аўыллық шыпакерлик пункти)нде шөлкемлестирилген шаншыў бөлмелерине студентлик гүўалықларын көрсеткен ҳалда мүрәжат етиўи мүмкин.

Коронавирусқа қарсы толық шаншыў басқышлары әмелге асырылғаннан соң студентлерге шаншылғаны ҳаққындағы сертификаттың электрон формасы бериледи.

Төлемли контракт тийкарында оқып атырған, коронавирус инфекциясына қарсы ықтыярлы түрде толық шаншылған студентлер өзлериниң шаншылғаны ҳаққындағы сертификатларын усы жылдың 1-октябрь күнине шекем (сол күни де) жоқары оқыў орнына усынса, шөлкемлестириў-ҳуқықый формасына қарамастан барлық жоқары оқыў орынлары тәрепинен 2021-2022-оқыў жылы ушын белгиленген базалық төлемли контракт (стипендиясыз) суммасына 10 процент муғдарында бир мәртелик шегирме бонусы бериледи. Бул 2021-2022-оқыў жылында 1-курсқа студентликке қабыл етилгенлерге әмел етпейди.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

8-07-2021, 13:44
Көрилди: 275
Пикирлер: 0
Баспа ушын