Дизимнен өтиў Кириў
Сайтқа кириў
Качественные бесплатные шаблоны dle скачать с сайта



АҚШтың киши грантлар бағдарламасы қәўендерлигиндеги жойбар Әмиўдәрья районында

АҚШтың киши грантлар бағдарламасы қәўендерлигиндеги жойбар Әмиўдәрья районында
Әмиўдарья районы Маңғыт қаласында «Истиқболли авлод» Республикалық социаллық-информациялық орайы тәрепинен «Қәўипсиз келешек» жойбары шеңберинде шөлкемлестирилген тренингде қаладағы мектеплердиң жаслар жетекшилери қатнасты. Тренингде нызам менен қадаған етилген ағымларға кирип кетиўдиң алдын алыў, жаслар менен жақыннан коммуникацияға кирисиў, экстремистлик шөлкемлер, топарлар ҳәм ағымлар ҳаққында мағлыўматқа ийе болғанда тийисли шөлкемлер менен байланысыў бойынша мағлыўмат берилди.
АҚШтың киши грантлар бағдарламасы қәўендерлигиндеги жойбар Әмиўдәрья районында
Сораў-жуўапларға бай болған тренингде жаслар өзлериниң пикирлери менен бир қатарда, қатнасыўшылар топарларға бөлинип усынысларын да билдирди. Сондай-ақ, экстремистлик шөлкемлер тәсирине түсип қалған инсан психологиясын сәўлелендириўге ҳәрекет етти.

- Жасларға диний экстремизмниң тәсириниң алдын алыў бойынша профилактикалық жумысларды алып барыў бойынша өз усынысларымызды таярладық. Олардың бири қысқа метражлы видео роликлерди таярлаў ҳәм оларды турақлы турде ҒХҚ, социаллық тармақлар арқалы кең түрде жәриялаўдан ибарат. Себеби, бүгинги күнде аудиторияға телевидение арқалы кирип барылмаса, интернет тармақлары арқалы оларды сергеликке шақырыў мүмкин, – дейди семинар қатнасыўшысы С.Султанов.
АҚШтың киши грантлар бағдарламасы қәўендерлигиндеги жойбар Әмиўдәрья районында
Бундай бағдардағы илажлар «Истиқболли авлод» Республикалық социаллық-информациялық орайы ҳәм Жаслар ислери агентлиги Қарақалпақстан Республикасы басқармасы менен биргеликте барлық районларда өткерилиўи жобаластырылған.

«Истиқболли авлод» Республикалық социаллық-информациялық орайы Қарақалпақстан Республикасы бөлими.

Сайтымыздың телеграмдағы каналына ағза болың: https://t.me/karinformuz

27-07-2021, 13:59
Көрилди: 209
Пикирлер: 0
Баспа ушын