Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Педагогикалық институтта кәсиплик (дөретиўшилик) имтиханлар басланды

Педагогикалық институтта кәсиплик (дөретиўшилик) имтиханлар басланды
Бүгин, 31-июль күни Әжинияз атындағы Нөкис мәмлекетлик педагогикалық институтында бакалавриаттың дене мәденияты ҳәм музыкалық тәлим бағдарларына 2021-2022-оқыў жылы қабыллаўы ушын кәсиплик (дөретиўшилик) имтиханлары басланды.

Имтиханлар ерте азаннан санитариялық-эпидемиологиялық талаплар тийкарында белгиленген жоба бойынша басланып, еки мезгилде усы жылдың 6-август күнине шекем даўам етеди.
Педагогикалық институтта кәсиплик (дөретиўшилик) имтиханлар басланды
Абитуриентлердиң айрықша қәбилетлерин, таярлықларын баҳалаў мақсетинде Ферғана, Наманган, Хорезм ҳәм Наўайы ўәлаятларындағы жоқары оқыў орынларынан қәнигелер, профессор-оқытыўшылар бириктирилген.

Сүўретлеў өнери ҳәм инженерлик графикасы бакалавр тәлим бағдарына қабыллаў ушын кәсиплик (дөретиўшилик) имтиханлар ертеңнен, 1-августтан басланыўы белгиленген.
Педагогикалық институтта кәсиплик (дөретиўшилик) имтиханлар басланды
Имтиханларды әдил ҳәм ашық-айдын өткериў, ата-аналар және басқа да қәлеўшилердиң имтихан барысын аралықтан турып онлайн режимде интернет арқалы тиккелей бақлап барыў имканияты жаратылған болып, ҳәр бир абитуриенттиң қатнасыўы видеожазыўға алынбақта.
Педагогикалық институтта кәсиплик (дөретиўшилик) имтиханлар басланды
- Быйыл үшинши мәрте жоқары оқыў орнына кириў имтиханында қатнасып атырман. Өткен жылларда таярлығым толық болмай, оқыўға кире алмадым. Быйыл жақсы таярланып, өз қәбилетимди, талантымды көрсетиўге ҳәрекет етемен, - дейди НМПИ музыкалық тәлим бағдарына имтихан тапсырып атырған шымбайлы абитуриент Әдилбек Ерданов.

Мағлыўмат ушын, институтта 31-июль ҳәм 6-август күнлери аралығында болып өтетуғын кәсиплик (дөретиўшилик) имтиханларына бакалавриаттың:

- дене мәденияты (соның ишинде, ҳаял-қызлар спорты) бағдарының күндизги ҳәм сыртқы бөлимлери барлық топарларына улыўма 1239;
- музыкалық тәлим бағдары күндизги ҳәм сыртқы бөлимлери барлық топарларына улыўма 222;
- сүўретлеў өнери ҳәм инженерлик графикасы тәлим бағдары күндизги ҳәм сыртқы бөлимлери барлық топарларына улыўма 297 абитуриент қатнасыўы белгиленген.
Педагогикалық институтта кәсиплик (дөретиўшилик) имтиханлар басланды
Педагогикалық институтта кәсиплик (дөретиўшилик) имтиханлар басланды

Ислам Матеков,
Karinform.uz.
Автордың түсирген фотолары.


Сайтымыздың телеграмдағы каналына ағза болың: https://t.me/karinformuz

31-07-2021, 13:19
Көрилди: 135
Пикирлер: 0
Баспа ушын