Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Тереклердиң нызамға қайшы түрде кесилиўи бойынша ең жоқары көрсеткиш Қарақалпақстанда

Тереклердиң нызамға қайшы түрде кесилиўи бойынша ең жоқары көрсеткиш Қарақалпақстанда
Бүгин, 31-июль күни болып өткен Олий Мажлис Сенатының он жетинши улыўмалық мәжилисинде ӨзР Экология ҳәм қоршаған орталықты қорғаў бойынша мәмлекетлик комитетиниң мәмлекетлик тоғай қорына кирмейтуғын терек ҳәм путалардың кесилиўине байланыслы мәселелер бойынша мәлимлемеси тыңланды.

Президент пәрманы тийкарында тереклерди кесиўге мораторий жәрияланғанына қарамастан, тереклердиң нызамға қайшы түрде кесилиўи елеге шекем даўам етпекте. Атап өтилиўинше, ҳуқықбузарлықларды әмелге асырған адамлар жәрийманы төлеп, және усындай ҳәрекетлерин даўам еттирмекте.

Мағлыўматларға қарағанда, 2021-жылдың 6 айы даўамында республикада терек ҳәм путалардың нызамға қайшы түрде кесилиўи менен байланыслы 2597 ҳуқықбузарлық әмелге асырылған ҳәм өсимлик дүньясына 6,7 миллиард сумлық зыян жеткерилген.

2021-жылдың басынан терек ҳәм путалардың нызамға қайшы түрде кесилиўи және зыян жеткерилиўи менен байланыслы жағдайлар Өзбекстан аймақлары кесиминде анализ етилгенде, ең жоқары көрсеткиш Қарақалпақстан Республикасына туўра келмекте. Яғный, Қарақалпақстанда жыл басынан берли усындай 1065 жағдай анықланған.

Оннан кейинги орынларда Самарқанд (609), Қашқадәрья (534), Наўайы (349), Ташкент (344) ўәлаятлары көрсетип өтилген.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

31-07-2021, 19:14
Көрилди: 191
Пикирлер: 0
Баспа ушын