Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Кимлер коронавирусқа қарсы вакцина алмаўы мүмкин екенлигине анықлық киргизилди

Кимлер коронавирусқа қарсы вакцина алмаўы мүмкин екенлигине анықлық киргизилди
Өзбекстан Республикасы Денсаўлықты сақлаў министриниң тийисли буйрығы тийкарында тастыйықланған бирлемши медициналық-санитариялық мәкемелерде 18 ҳәм оннан жоқары жастағы халықты «COVID-19»ға қарсы шаншыў тәртиплерине муўапық, шаншыўға қарсы ўақтынша ямаса турақлы медициналық шеклеўлер емлеў-профилактикалық мәкемелериниң басшылары тәрепинен тастыйықланған арнаўлы комиссия тәрепинен белгиленеди. Бул ҳаққында министрлик мәлимлеме хызмети хабар берди.

Комиссия тәрепинен усыныс етилетуғын медициналық шеклеў ҳаққындағы мағлыўматнамада төмендегилер сәўлеленеди:

Ўақтынша қарсы көрсетпелер:
- Коронавирус кеселлигиниң күшли формасы болған наўқаслар;
- Лабораторияда «COVID-19» оң нәтийже берген, бирақ клиникалық белгилер болмаған адамлар;
- Коронавирус кеселлигине шатылған наўқаслар менен байланыста болғанлар карантин мүддети жуўмақланғаннан соң шаншылады.

Шаншыўға узақ мүддетли ҳәм турақлы қарсы көрсетпелер:
- Анамнезинде аўыр аллергиялық реакциялары (анафилактикалық шок) болған адамлар (тастыйықлаўшы медициналық ҳүжжет болғанда);
- Ҳәмиледар ҳәм емизиўли ҳаяллар (вакцинаның усы контингентке қәўипсизлиги ҳаққында мағлыўмат жетерли емеслиги себепли);
- 18 жасқа толмаған балалар;
- Анамнезинде туўма ямаса арттырылған иммуножетиспеўшилик жағдайы, АИВ инфекциясы болған наўқаслар;
- Вакцинаның компонентлерине жоқары сезгирлиги болған адамлар.

Соны ядта сақлаў керек, «COVID-19» вакцинациясына қарсы көрсетпелер бирлемши медициналық-санитариялық жәрдем мәкемелериниң шаңарақлық шыпакери тәрепинен анықланады ҳәм шеклеў ҳаққында жуўмақ шығарыў ушын арнаўлы комиссияға жибериледи. Ўақтынша ямаса турақлы медициналық шеклеўлер тек ғана емлеў-профилактикалық мәкемелериниң басшылары тәрепинен тастыйықланған арнаўлы комиссия тәрепинен белгиленеди.

Коронавирус инфекциясының аўыр формасы симптомлары болған наўқаслар, сондай-ақ, лабораторияда «COVID-19»ға оң нәтийже берген, бирақ клиникалық белгилери бақланбай атырған (симптомсыз) адамлар және коронавирусқа шатылған наўқаслар менен байланыста болған адамлар, карантин мүддетлери жуўмақланғаннан соң шаншылады.

Жәҳән денсаўлықты сақлаў шөлкеминиң усынысларына тийкарлана отырып, «COVID-19» кеселлигинен саўалған ҳәм реабилитациялық дәўирди өткерген адам шыпакердиң рухсаты менен 3-6 айдан соң шаншылыўы мүмкин.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

26-08-2021, 16:15
Көрилди: 399
Пикирлер: 0
Баспа ушын