Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Прокуратура имаратында жүз берген өрт бойынша рәсмий мағлыўмат берилди

Прокуратура имаратында жүз берген өрт бойынша рәсмий мағлыўмат берилди
Бүгин, 1-сентябрь күни саат 14:30 лар шамасында Қарақалпақстан Республикасы Прокуратурасы имаратының 3-этажының балконында өрт келип шыққан.

Өрт бойынша келип түскен хабар бойынша Нөкис қалалық Айрықша жағдайлар бөлими Өрт өшириў экипажы ўақыя орнына жетип келип, өртти қысқа ўақытта өширген. Бул ҳаққында ҚР Прокуратурасы хабар берди.

Өрттиң келип шығыўына электр сымының қысқа тутасыўы себеп болғаны болжанбақта.

Өрт ақыбетинде балконның төбесиниң 4 квадрат метри зыянланған, дене жарақатын алғанлар жоқ.

Жүз берген жағдай бойынша сорастырыў жумыслары алып барылмақта.

Karinform.uz

Сайтымыздың телеграмдағы каналына ағза болың: https://t.me/karinformuz

1-09-2021, 17:38
Көрилди: 303
Пикирлер: 0
Баспа ушын