Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Пахта терими ушын минимал тарифлер жәрияланды

Пахта терими ушын минимал тарифлер жәрияланды

Быйылғы пахта жыйын-терими мәўсиминде қолда терилген 1 килограмм пахта ушын биринши теримде 1200 сумнан, екинши теримде 1500 сумнан кем болмаған муғдарда мийнет ҳақы төлеў белгиленди.

Мәлим болыўынша, Жиззақ, Сырдәрья ҳәм Ташкент ўәлаятларының барлық районларында және Қарақалпақстан Республикасы, Қашқадәрья ҳәм Сурхандәрья ўәлаятларының шетки районларында қолда терилген ҳәр бир килограмм пахта шийки заты ушын республикалық бюджеттиң қосымша дәреклери есабынан 230 сумнан үстеме ҳақы төлениўи тәмийинленеди.

Сондай-ақ, кластерлер өзлерине бириктирилген аймақларда терим пулын еркин түрде белгилеўи, яғный усыныс етилип атырған баҳалардан жоқары муғдарда ҳақы төлеўи де мүмкин.

Атап өтилиўинше, пахта-тоқымашылық кластерлери тәрепинен бириктирилген жумыссыз пуқаралардан ибарат терим отрядларының басшыларына мәўсим жуўмақланыўына шекем 2 миллион сумнан мийнет ҳақы да бериледи.

18 жасқа толмаған пуқаралар, жоқары оқыў орынларының студентлери, бюджет ҳәм бюджеттен тыс ямаса хожалық есабындағы шөлкемлердиң хызметкерлери және әскерий хызметкерлерди терим жумысларына – улыўма ҳәр қандай мәжбүрий мийнетке тартыў қатаң түрде қадаған етиледи.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

8-09-2021, 13:57
Көрилди: 358
Пикирлер: 0
Баспа ушын