Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Нөкистен Шоманайға автобус қатнаўы қайта тикленди

Нөкистен Шоманайға автобус қатнаўы қайта тикленди
Шоманай районы турғынлары пайтахт Нөкис қаласынан қатнайтуғын автобус рейслери тоқтап қалғаны ҳәм қайта тиклениўине жәрдем бериўин сорап еткен мүрәжаты Қарақалпақстан Республикасы Транспорт министрлиги тәрепинен үйренип шығылды.

Министрликтиң мәлимлеме хызметиниң хабар бериўинше, үйрениў даўамында «Нөкис-Шоманай-Нөкис» жөнелисиндеги автобус қатнаўы жолаўшылар ағымының аз болыўына байланыслы транспорт сарплаған қәрежетлерин қапламағы себепли тоқтап қалғаны мәлим болды.

Министрлик тәрепинен халыққа қолайлық жаратыў мақсетинде «Автотранс Шымбай» мәмлекетлик унитар кәрханасы тәрепинен «Нөкис-Шоманай-Нөкис» жөнелисинде қатнаў ушын еки дана автобус жолға қойылды.

Хабарда жазылыўынша, егер жолаўшылар ағымы көбейетуғын жағдайда автобуслардың санын көбейтиў имканиятлары бар. Сондай-ақ, усы жөнелис бойынша микроавтобусларды жолға қойыў жобаластырылған.

Сайтымыздың телеграмдағы каналына ағза болың: https://t.me/karinformuz

18-10-2021, 12:16
Көрилди: 157
Пикирлер: 0
Баспа ушын