Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Бокс бойынша жаслар арасында өткерилген Өзбекстан чемпионатында Қарақалпақстан делегациясы тарийхый нәтийжени қолға киргизди

Бокс бойынша жаслар арасында өткерилген Өзбекстан чемпионатында Қарақалпақстан делегациясы тарийхый нәтийжени қолға киргизди

Усы жылдың 10-16-октябрь күнлери Бухара қаласында бокс бойынша жаслар арасында Өзбекстан чемпионаты болып өтти. Жарысқа Қарақалпақстан Республикасы, ўәлаятлар ҳәм Ташкент қаласынан улыўма 362 боксшы сыйлы орынлар ушын рингке көтерилди.

16-октябрь күни Бухара Олимпия резервлери колледжиниң спорт залында чемпионаттың финал жарыслары болып өтти.

Қуўанышлысы, қарақалпақстанлы боксшылардан -60 кг салмақ категориясында Сухраб Аминов ҳәм -92 кг салмақта жарысқа қатнасқан Айназар Кеңесбаев финал жарысларына шекем күшли қарсыласлары үстинен жеңиске ерискен болса, финалда да жарысқа жақсы таярлықлар менен келгенин көрсетип, жарыс жуўмағында 1-орынды ийелеп, Өзбекстан чемпионлары болыўға еристи.
Бокс бойынша жаслар арасында өткерилген Өзбекстан чемпионатында Қарақалпақстан делегациясы тарийхый нәтийжени қолға киргизди

Финалда Сухраб Аминов бухаралы қарсыласы Забардаст Ҳаётовты жеңген болса, Айназар Кеңесбаев наманганлы боксшы Элёр Жўраевке ҳеш қандай имканият қалдырмады.
Бокс бойынша жаслар арасында өткерилген Өзбекстан чемпионатында Қарақалпақстан делегациясы тарийхый нәтийжени қолға киргизди

Қарақалпақстанлы жас боксшылар қолға киргизген еки алтын медаль республикамыз делегациясы ушын тарийхый нәтийжени тәмийинледи: Қарақалпақстан Республикасы улыўма командалық есапта Бухара ҳәм Әндижан ўәлаятларынан кейин күшли үшликтен орын алды.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

18-10-2021, 16:08
Көрилди: 4153
Пикирлер: 0
Баспа ушын