Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда Әзербайжан мәденияты ҳәм әдебияты күнлери болып өтеди

Қарақалпақстанда Әзербайжан мәденияты ҳәм әдебияты күнлери болып өтеди
Әзербайжан Республикасының Өзбекстандағы елшиханасы жанындағы Ҳайдар Алиев атындағы Әзербайжан мәденияты орайының басламасы менен 20-21-октябрь күнлери Нөкис қаласында Әзербайжан мәденияты ҳәм әдебияты күнлерин өткериў жобаластырылған.

ҚР Туризм ҳәм спорт бас басқармасы мәлимлеме хызметиниң хабар бериўинше, 28 адамнан ибарат болған делегация ағзалары 20-октябрь күни Нөкис халықаралық аэропортында салтанатлы түрде күтип алынады.

Еки күнлик илаж шеңберинде Қарақалпақстан Республикасы тарийхы ҳәм мәденияты музейинде телекөрсетиўди сүўретке алыў, И.В.Савицкий атындағы Қарақалпақ мәмлекетлик көркем өнер музейине саяхат, делегация ағзаларының республикамыз ҳүкимети ағзалары менен ушырасыўы, Бердақ атындағы Қарақалпақ мәмлекетлик академиялық музыкалы театрында Әзербайжан мәденияты ҳәм әдебияты күнлериниң ашылыў мәресими ҳәм концерт бағдарламасы, Әжинияз атындағы Нөкис мәмлекетлик педагогикалық институтында «Ҳайдар Алиев атындағы Әзербайжан әдебияты ошағы» мүйешиниң ашылыўы ҳәм оқыўшылар және студентлер менен ушырасыўлар өткерилиўи жобаластырылған.

Сайтымыздың телеграмдағы каналына ағза болың: https://t.me/karinformuz

19-10-2021, 18:27
Көрилди: 265
Пикирлер: 0
Баспа ушын