Дизимнен өтиў Кириў
Сайтқа кириў
Качественные бесплатные шаблоны dle скачать с сайта



Қарақалпақстанда күшли самал болып, қар жаўыўы ҳаққында хабарландырыў жәрияланды

Қарақалпақстанда күшли самал болып, қар жаўыўы ҳаққында хабарландырыў жәрияланды
Усы жылдың 16-ноябрь күни Өзбекстанның арқа аймақларына, 17-18-ноябрь күнлери республиканың барлық аймақларына Волгабойы арқалы Россияның Европа аймағы (Москва областы) үстинде қәлиплескен ығал ҳәм суўық ҳаўа массасы кирип келеди. Бул ҳаққында «Өзгидромет» хабар берди.

16-17-ноябрьде республика бойынша самалдың тезлиги 17-22 м/с қа шекем күшейиўи күтилмекте, базда 25-28 м/с қа шекем күшейиўи мүмкин, айрым жерлерде шаңлы боран болады.

16-ноябрьде Қарақалпақстан Республикасында ҳәм Хорезм ўәлаятында, 17-ноябрьде Өзбекстанның басқа аймақларында жаўын-шашын (жаўын, қарға айланады) болады, 17-18-ноябрьде таў алды ҳәм таўлы аймақларда жаўын-шашын (жаўын, қар) айрым жерлерде күшли болады.

Республика бойынша температураның кескин төменлеўи күтилмекте. 16-17-ноябрьде арқа аймақларда, 17-18-ноябрьде Өзбекстанның басқа аймақларында температура түнде 5-8 градус суўық, күндизги ўақытларда 0-3 градус жыллыға шекем, Қарақалпақстанда түнде 12-15 градус суўық, күндизги ўақытларда 0-3 градус суўыққа шекем төменлейди.

Ислам Матеков,
Karinform.uz.


Сайтымыздың телеграмдағы каналына ағза болың: https://t.me/karinformuz

15-11-2021, 11:01
Көрилди: 309
Пикирлер: 0
Баспа ушын